1. Hatorangan na jompok taringot tu HESEKIEL:
- Lapatan ni goar ima: ‘Debata do na sun gogo’
- 93 hali ditaringoti di hata ni Debata (parjolo di Hes 1:3 jala parpudi di Hes 24:24)
- Ulaonna ima : na pinabangkit ni Debata jala na tarjou songon Panurirang dohot Malim di tonga ni bangso Juda (Hes 1:3. 2:3-4)
- Marripe do ibana nang pe monding inanta di tonga ni ulaonna, jala maringanan di huta na margoar Tel-Abib (24:16-18, 3:24).
- Termasuk di bagasan rombongan marribu halak bangso Juda na tarbuang tu babel uju ginonggoman Raja Nebukadnezar. Jala termasuk do golongan menegah ke atas (na sangap) hajongjonganna.
- Panurirang na nilehon Debata sada huaoso na boi ‘mar-alatan, parnidaan/wahyu taringot tu bangsoNa
- Ulaon na pinasahat ni Debata tu ibana ima laho mangarahon bangso I anggiat unang marhaposan tu jolma nang tu ganaganaan naso marimpola alai naeng ma nian mulak bangsoi tu Debata jala paboahon bagabagni Debata paboa papunguonna do bangsoi jala boanonna mulak muse tu bona pasogitna nang dohot padengganon bagas joro/bait inganan ni pamujion nasida.
2. Hatorangan ni turpuk
Di tongatonga ni parngoluon ni bangso na ‘jogal’ jala na marbalik sian Debata ndang dipasombu Debata alai dipatuduhon do holongNa jala hot do pamillitonnai tu bangsoi ndang na munsat sian I nang pe nunga dihalupahon jala ndang marhaposan tu Jahowa be bangsoi. Alani dipabangkit do sahalak naposoNa na gabe panurirang jala malim laho pasahathon sangkap nang bagabaga ni Debata ima marhite na dijou si Hesekiel laho mangulahon sada tugas na sian Debata. Pandohan anak ni jolma….
Laho patuduhon parnampunaon ni si panompa tu na tinompaNa paboa guru di rohaNa do laho mamangke saluhutna laho patulushon nang pasathon sangkap ni rohaNa. Ala ni do pandohan I dipasahat tu si Hesekiel anggiat ditanda ibana ise na marsuru ibana jala patauhon ibana di haundukhonna maradophon Debata na sun gogoi jala antusanna ma ise na marsuru ibana jala tudia ibana disuru laos marhua do ibana di tongatonga ni parsuruon i. (ay. 2-3)
3. Molo dipillit jala dijou sahat tu na disuru Debata sadasada jolma gabe ‘ulaula’ ni Debata sada hasurungan do hape I tu na sinuru na I ai masa do hape pamilliton jala penyeleksian di bahen Debata (toho do hape songon na didok Jesus :’godang do na tarjou alai otik do na tarpillit) asa boi ma dohonon sumansuman tu ‘pengayakan/hata batak: di raga? Artina adong do alas an tertentu di Debarta marhite dipamillitoni laos ido hasurunganna ima ndada holan na marsuru Debata alai dipaborhat jala dibohali do naposoNa I dina mangulahon siulaonna dipaboa do rumang ni ulaon I jaladipatorang do nasa konsekwensi/na naeng siadopanni na sinuruNai. Situasi ni si Hesekiel
4. Molo sungkunsungkun roha, jala sai paulaula laho mangalului nang dohot manigati anggiat dapot jala maralus na ni luluanna taringot tu haroro ni Tuhani maradu lalap ndang diboto be na naeng siluhonona songon na tinonahon Tuhan Jesus, ima gombaran na sai mamangke roha dohot pingkiranna hape songon jolma na tinompa ni Debata boha do ibana boi mangolu jala mangula marpanghorhon pasupasu dingoluna nang tu donganna jolma jala marhasangapon Debata marhite ulaonna ido na pinangido ni Tuhan i. Ai manang sadihari pe haroroNa las ni roha bolon do tu sude angka na porsea naso mardia imbar naung jumolo marujung ngolu nang tu angka na mangolu dope di hatiha tingki natinontuhon ni Debata(ay.9-10), jala jea nang hasusaan bolon do tu angka naso porsea, managam dohot mangarade. Alani denggan do songon angka na pasidohot tu hasampuran rea I, hobas ma mangarade manogihon jala paingothon tu angka dogan (ay. 11) dalan na marsiurupan laos marsipauliulian dibagasan parsaoran nang pangalaho.
Gr. A.Castle. Sianipar
HKBP Simarimbun Ress. Siantar Sawah
Sermon Epistel Minggu Palmarum, 16 Maret 2008
Turpuk: Hesekiel 2:3-7
Tema : Haundukon dohot Pangoloion di parsuruon ni Debata
